ວັນທີ 25 ກັນຍາ 2015, ຢູ່ທີ່ໂຮງຮຽນນາຍຮ້ອຍ Kommadam ກອງທັບບົກ, ກະຊວງປ້ອງກັນປະເທດໄດ້ຈັດພິທີຜູກແຂວ ບາສີສູ່ຂວັນ ໃຫ້ນາຍທະຫານ ແລະ ພົນທະຫານລາວ ແລະ ຣັດເຊຍ ເຂົ້າຮ່ວມການຊ້ອມຮົບຮ່ວມ “ລາໂຣ 2025” ດ້ວຍຄຳຂວັນ “ສູ້ບ່າຄຽງໄຫລ່ເພື່ອສັນຕິພາບ ແລະ ສະຖຽນລະພາບ”.
ເຂົ້າຮ່ວມພິທີດັ່ງກ່າວ ມີທ່ານພົນໂທ Saichay Kommasith, ຮອງລັດຖະມົນຕີກະຊວງປ້ອງກັນປະເທດລາວ, ຫົວໜ້າຄະນະຊີ້ນໍາການຊ້ອມຮົບຮ່ວມ ລາວ-ຣັດເຊຍ, ແລະ ທ່ານ Ivan Taraev, ຮອງຜູ້ບັນຊາການທະຫານເຂດຕາເວັນອອກຂອງສະຫະພັນລັດເຊຍ, ຫົວໜ້າຄະນະຜູ້ແທນລັດເຊຍ, ການນໍາຂອງຄະນະຜູ້ແທນທັງສອງຝ່າຍ, ແຂກຖືກເຊີນ, ພະນັກງານ, ນັກຮົບຂອງສອງປະເທດ.
ພິທີດັ່ງກ່າວໄດ້ເປັນໂອກາດເພື່ອສະແດງຄວາມຮູ້ບຸນຄຸນ ແລະ ປະສົບຜົນສຳເລັດໃນໜ້າທີ່ການມອບໝາຍຂອງນາຍທະຫານ ແລະ ພົນທະຫານທີ່ເຂົ້າຮ່ວມທັງໝົດ, ທັງເປັນການປະກອບສ່ວນຮັດແໜ້ນສາຍພົວພັນມິດຕະພາບອັນເປັນມູນເຊື້ອ, ຄວາມສາມັກຄີແບບພິເສດລະຫວ່າງກອງທັບລາວ-ຣັດເຊຍ.
ໃນບັນຍາກາດທີ່ເປັນກັນເອງ ຂອງບັນດາ ນາຍທະຫານ ແລະ ພົນທະຫານຂອງທັງສອງຝ່າຍໄດ້ມັດແຂນ ເຊີ່ງກັນແລະກັນ ,ພ້ອມກັນແລກປ່ຽນຄຳອວຍພອນ ແລະ ສະແດງໃຫ້ເຫັນນ້ຳໃຈສາມັກຄີລະຫວ່າງສອງກອງທັບ, ກອງທັບລາວ ແລະ ກອງທັບລັດເຊຍ.
