ສຳນັກງານ ສະຖິຕິແຫລ່ງຊາດ ຫວຽດນາມ ລາຍງານວ່າ : ຫວຽດນາມ ຕ້ອນຮັບ ນັກທ່ອງທ່ຽວຕ່າງປະເທດ ບັນລຸ 19.15 ລ້ານເທື່ອຄົນ ໃນລະຫວ່າງ ເດືອນມັງກອນ-ເດືອນພະຈິກ ປີ 2025 ເພີ່ມຂຶ້ນ 20.9% ເມື່ອທຽບໃສ່ປີຕໍ່ປີ.
ນັກທ່ອງທ່ຽວເດີນທາງ ທາງອາກາດ ກວມເອົາອັດຕາສ່ວນຫຼາຍທີ່ສຸດ ລວມມີ 16.2 ລ້ານເທື່ອຄົນ, ຖັດມາທາງບົກ ຈຳນວນ2.7 ລ້ານເທື່ອຄົນ.
ໃນນີ້ນັກທ່ອງທ່ຽວ ຈາກອາຊີ ຍັງກວມເອົາ ຂະໜາດໃຫຍ່ທີ່ສຸດ ຂອງ ຫວຽດນາມ ດ້ວຍຈຳນວນຫລາຍກວ່າ 15 ລ້ານເທື່ອຄົນ ເພີ່ມຂຶ້ນ 19.7% ເມື່ອທຽບປີຕໍ່ປີ.
ດ້ວຍນະໂຍບາຍດ້ານວິຊາ ຕໍ່ການເຂົ້າປະເທດ, ໂຄງການ ສົ່ງເສີມການທ່ອງທ່ຽວ ທີ່ໄດ້ຮັບການປັບປຸງໃຫ້ດີຂຶ້ນ ແລະ ອື່ນໆ ໂດຍສະເພາະ ການຈັດງານໃນພື້ນທີ່ຕ່າງໆ ລ້ວນແຕ່ຊ່ວຍດຶງດູດນັກທ່ອງທ່ຽວ ຕ່າງປະເທດ ຢ່າງຫຼວງຫຼາຍ ເພື່ອໃຫ້ເຂົ້າມາຢ້ຽມຢາມ ຫວຽດນາມ.