Fytia ພາຍຸໄຊໂຄລນ ພັດເຂົ້າ ມາດາກັສກາ, ເຮັດໃຫ້ມີຜູ້ເສຍຊີວິດ3ຄົນ ແລະ ສົ່ງຜົນກະທົບກວ່າ 28,000 ຄົນ.
ອັນຕານານາຣິໂວ – ພາຍຸໄຊໂຄລນເຂດຮ້ອນ Fytia ຜ່ານປະເທດມາດາກັສກາ, ອີງຕາມລາຍງານລ່າສຸດທີ່ອອກໂດຍສຳນັກງານຄຸ້ມຄອງຄວາມສ່ຽງ ແລະ ໄພພິບັດ (BNGRC) ໃນວັນອາທິດທີ່ຜ່ານມາ.
ພາຍຸໄຊໂຄລນຍັງເຮັດໃຫ້ມີຜູ້ໄດ້ຮັບບາດເຈັບ5 ຄົນ, ໂດຍມີເຮືອນຫຼາຍກວ່າ 800 ຫຼັງຖືກທຳລາຍໝົດ ແລະ ເຮືອນຫຼາຍກວ່າ 6,000 ຫຼັງຖືກນ້ຳຖ້ວມ, BNGRC ກ່າວ.
ພື້ນທີ່ທີ່ໄດ້ຮັບຜົນກະທົບໜັກທີ່ສຸດລວມມີ Soalala, Marovoay ແລະ Mahajanga, ເມືອງຕ່າງໆທາງຕາເວັນຕົກສຽງເໜືອຂອງປະເທດ, ພ້ອມທັງນະຄອນຫຼວງອັນຕານານາຣິໂວ.
ພາຍຸ Fytia ໄດ້ພັດເຂົ້າຝັ່ງໃນເຊົ້າວັນເສົາທາງຕາເວັນຕົກຂອງປະເທດ, ສົ່ງຜົນກະທົບຕໍ່ 19 ເມືອງ, ກ່ອນທີ່ຈະເຄື່ອນທີ່ກັບຄືນສູ່ທະເລໃນວັນອາທິດຜ່ານ Vatomandry, ເມືອງທາງຝັ່ງທະເລທາງທິດຕາເວັນອອກ.
ກົມອຸຕຸນິຍົມວິທະຍາ ມາດາກັສກາ ຄາດຄະເນວ່າຝົນຈະສືບຕໍ່ຕົກຢູ່ໃນພາກເໜືອ ແລະ ພາກກາງຂອງມາດາກັສກາໃນອີກສອງສາມມື້ຂ້າງໜ້ານີ້.