ສອງປະເທດໄດ້ສ້າງຕັ້ງສາຍພົວພັນທາງການທູດໃນເດືອນກໍລະກົດ 2002. ຕີມໍ-ເລສເຕ ໄດ້ເປີດສະຖານທູດປະຈຳຢູ່ ວຽງຈັນ ໃນເດືອນກໍລະກົດ 2014, ແລະ ແຜນການເປີດສະຖານທູດຂອງລາວຢູ່ ເມືອງດີລີ ຈະເຮັດໃຫ້ການພົວພັນທາງການທູດສອງຝ່າຍສຳເລັດສົມບູນ.
ຕີມໍ-ເລສເຕ ໄດ້ຈັດສັນທີ່ດິນ ແລະ ຊັບສິນຢູ່ ດີລີ ສຳລັບເປີດສະຖານທູດລາວ ໃນອະນາຄົດ, ຫຼັງຈາກຂໍ້ຕົກລົງການແລກປ່ຽນທີ່ດິນທີ່ທັງສອງປະເທດໄດ້ລົງນາມໃນເດືອນຕຸລາ 2024.
ໃນເດືອນສິງຫາ 2025, ທັງສອງຝ່າຍ ຍັງໄດ້ບັນດຸຂໍ້ຕົກລົງຍົກເວັ້ນວີຊາ ເຊິ່ງປະຈຸບັນອະນຸຍາດໃຫ້ຜູ້ຖືໜັງສືຜ່ານແດນທາງການທູດ, ເຈົ້າໜ້າທີ່ ແລະ ບຸກຄົນທຳມະດາສາມາດເດີນທາງໄປມາຫາກັນໄດ້ໂດຍບໍ່ຕ້ອງຂໍວີຊາເປັນເວລາສູງສຸດ 30 ວັນ.
ທ່ານ Agio Pereira ລັດຖະມົນຕີກະຊວງການຕ່າງປະເທດຂອງຕີມໍ-ເລສເຕ ໄດ້ສະແດງຄວາມຂອບໃຈຕໍ່ການສະໜັບສະໜູນຂອງປະເທດລາວຕະຫຼອດການເດີນທາງເຂົ້າຮ່ວມອາຊຽນຂອງຕີມໍ-ເລສເຕ ເຊິ່ງສິ້ນສຸດລົງເມື່ອຕີມໍ-ເລສເຕໄດ້ເຂົ້າຮ່ວມເປັນສະມາຊິກທີ 11 ຂອງກຸ່ມໃນເດືອນຕຸລາ 2025.
ການລິເລີ່ມເປີດສະຖານທູດດັ່ງກ່າວແມ່ນຂື້ນໃນລະຫວ່າງການໄປຢ້ຽມຢາມຂອງທ່ານ Phongsamouth Anlavan, ຮອງລັດຖະມົນຕີກະຊວງການຕ່າງປະເທດຂອງລາວ, ທີ່ເມືອງ Dili ຂອງ ຕີມໍ-ເລສເຕ ແຕ່ວັນທີ 18 ຫາ 22 ມັງກອນ 2026.
ການເຈລະຈາໄດ້ສຸມໃສ່ການເລັ່ງການເປີດສະຖານທູດ ແລະ ການຂະຫຍາຍການຮ່ວມມືໃນຂົງເຂດຕ່າງໆເຊັ່ນ: ການພັດທະນາເສດຖະກິດ, ກະສິກຳ, ການຝຶກອົບຮົມດ້ານວິຊາການ, ແລະ ຊັບພະຍາກອນມະນຸດ ,ທັງສອງຝ່າຍໄດ້ໃຫ້ຄຳໝັ້ນສັນຍາທີ່ຈະເສີມສ້າງສາຍພົວພັນຜ່ານການຮ່ວມມືທາງດ້ານສະຖາບັນການເມືອງ ແລະ ການຮ່ວມມືໃນລະດັບພາກພື້ນ.