ວໍຊິງຕັນ – ປະທານາທິບໍດີສະຫະລັດ ທ່ານ Donald Trump ໃນວັນສຸກໄດ້ຂົ່ມຂູ່ວ່າ “ຄິວບາແມ່ນປະເທດຕໍ່ໄປ” ຫຼັງຈາກການໂຈມຕີຂອງສະຫະລັດຕໍ່ເວເນຊູເອລາ ແລະ ອີຣານ.
“ຄິວບາແມ່ນປະເທດຕໍ່ໄປ, ແຕ່ Trump ເຮັດທ່າທາງເວົ້າວ່າຂ້ອຍບໍ່ໄດ້ເວົ້າແບບນັ້ນ ກັບສື່ມວ່ນຊົນ. ໂດຍເວົ້າວ່າ ກະລຸນາຂ້ອຍບໍ່ໄດ້ເວົ້າແບບນັ້ນ. ກະລຸນາ, ກະລຸນາ, ກະລຸນາ, ກະລຸນາສື່ມວນຊົນ, ກະລຸນາບໍ່ສົນໃຈຄຳຖະແຫຼງນັ້ນ. ຂອບໃຈຫຼາຍໆ. ຄິວບາແມ່ນປະເທດຕໍ່ໄປ.” ທ່ານ Trump ກ່າວໃນກອງປະຊຸມ Future Investment Initiative ທີ່ Miami, Florida.
ຄຳກ່າວດັ່ງກ່າວມີຂຶ້ນຫຼັງຈາກກອງທັບສະຫະລັດໄດ້ບຸກໂຈມຕີເວເນຊູເອລາ ແລະ ຈັບກຸມປະທານາທິບໍດີ Nicolas Maduro ຂອງປະເທດທີ່ອຸດົມສົມບູນດ້ວຍນ້ຳມັນໃນປະເທດອາເມລິກາໃຕ້ໃນວັນທີ 3 ມັງກອນ ແລະ ເປີດການໂຈມຕີຮ່ວມກັນຢ່າງໃຫຍ່ຫຼວງກັບອິດສະຣາເອນຕໍ່ອີຣານໃນວັນທີ 28 ກຸມພາ.
ຄິວບາໄດ້ປະເຊີນກັບວິກິດການເສດຖະກິດ ແລະ ພະລັງງານທີ່ຮ້າຍແຮງຍ້ອນມາດຕະການລົງໂທດຂອງສະຫະລັດເປັນເວລາຫຼາຍທົດສະວັດ. ອົງການສະຫະປະຊາຊາດກ່າວວ່າການຂາດແຄນນໍ້າມັນເຊື້ອໄຟກຳລັງຊຸກຍູ້ປະເທດໃຫ້ເຂົ້າສູ່ວິກິດການດ້ານມະນຸດສະທຳ ,ຕົ້ນເດືອນນີ້, Trump ໄດ້ຂົ່ມຂູ່ວ່າຄິວບາຈະ “ລົ້ມສະຫຼາຍໃນໄວໆນີ້,” ແຕ່ລັດຖະບານຂອງລາວຈະສຸມສັບພະກຳລັງໃສ່ອີຣານ ກ່ອນ“ໃນຕອນນີ້.”